Keyeyê şehîdanê Davût Seydo Eloyo ke şerê Serêkanîyê de şehîd bîyî, tewrê bi hezaran Serêkanîyê ra koç kerdî. Dayîk û pîyê şehîd Davudî wina vatî: “Tu dîn û îmanê Erdoganî çin o. Vîşêrê zilmî tu çîyêk nêdayo şarî. Wa Howa ci rê vera nêdo.”
Bi seyan keyeyan koçê Şaristanê Dirbesîyê yê Kantonê Cizîrî kerd. Dadî û babîyê endamê asayîşî şehîd Dawud Seydo Eloyî yê ke neçare mendî ke koçê Dirbesîyê bikê behsê zehmetîyanê koçî kerd.
Xelefî Biro pare kerd ke şehadetê lajê ey adir visna zerrîya ci û dest û lîngê ci şikitî. Biroyî va: “Cuya ma ya verêne ya Serêkanîye de weş bîye. Lajê mi newe zewijîyabi. Lajê mi serra 2013î de şerê Serêkanîye de şehîd bi. Wextê ê şerî de ma şîbî Tirkîya. Uca de cuya ma zaf zor bîye û ma reyna neçare mendî ke abigêrê şaristanê xo. Erdogan bêdîn û bêîman o, zulmî ra ber çîyêk nêda şarî. Homa nê kerdişanê ey vîneno û înşalah do cezaya ci zî bido ci. Keyeyê ma, rizqê ma uca de mendî. Ma wazenê sey wayîranê rastikên ê şaristanî abigêrê uca û uca de biciwîyê.”
Dadîya Dawud Seydoyî Cemîla Seydo zî va: “Ma vatêne qey ma qirkerdişî ra xelisisîyayî la ma rastê qirkerdişê hîna pîl ameyî. Kesêkê ma nêmend. Homa kerdişanê Erdoganî ci rê nêverdo, ey ma vistî nê halî. Hînî ma zî wazenê ke abigêrê keyeyanê xo.” DIRBÊSÎYÊ
