Nûçegihanên MA’yê Sadik Topaloglu û Sadiye Eser duh êvarê li Stenbolê hatin binçavkirin. Piştî binçavkirinê jî polîsan bi ser malên rojnamegeran de girtin. Eser û Topaloglu ev 2 rojin di bin çavan de ne
Nûçegihanên Ajansa Mezopotamyayê (MA) Sadik Topaloglu û Sadiye Eser duh piştî ku ji ajansê derketin, agahî jê nehatin girtin. Polîsan demek dirêj înkar kirin ku Eser û Topaloglu nehatine binçavkirin. Piştre derket holê ku Eser û Topaloglu ji hêla polîsan ve hatine binçavkirin û li Midûriyeta Polîsan a Stenbolê tên girtin.
Polîsên dewleta tirk piştre jî bi ser malên rojnamegeran de girtin, li malên wan lêgerîn kirin û alavên malê belav kirin. Deriyê mala Topaloglu ji hêla polîsan ve hate şikandin. STENBOL
