HPG’ê bi daxuyaniyeke nivîskî ragihand ku li Heftanînê hêzên wan ji sê aliyan li yekîneyên leşkerî yên artêşa tirk reşandine û 7 leşker hatine kuştin
Navenda Ragihandin û Çapemeniyê ya HPG’ê bi daxuyaniyeke çalakiya gerîlayan ragihand.
HPG’ê ragihand ku li herêma Heftanînê ya Qadên Parastinê yên Medyayê hêzên wan bi çarçoveya Pêngava Şoreşger a Cenga Heftanînê di 2’yê kanûnê de li Girê Konferansê yê Mezin li dijî artêşa tirk çalakiyek pêk anîne û ev agahî parve kir: “Di vê çalakiyê de ku hêzên me ji sê aliyan ve li kozik û stargehên dijmin reşandine, 7 leşker hatine kuştin, 1 kozika çeka giran a 1 A-4 û kamerayeke mobesayê hatiye rûxandin. Artêşa TC’ê ya dagirker piştî çalakiyên qadên derdorê bi rasthatinî daye ber obûs û hawanan. Piştî çalakiyê yekîneya me ya ku çalakî kirî, bi sax û silamet vegeriyaye ser qadên xwe. Her wiha roja 2’yê kanûnê saet di 17.15’an de balafirên şer ên artêşa TC’ê qada Geliyê Pîsaxa ya herêma Heftanînê ya Qadên Parastinê yên Medyayê daye ber bombeyan. Di encama vê bombebaranê de tu ziyan nehatiye ser hêzên me.” BEHDÎNAN
