Şandeyeke ji Têkiliyên Derve ya Wargeha Penaberan a Mexmûrê ji ibo rakirina ambargoya li ser wargehê, bi sentera Girîngîdayîna Demokrasî û Mafê Mirovan a Silêmaniyeyê re civiya
Berpirsyarê MÎT’ê yê başûrê Kurdistanê Osman Kose di 17’ê tîrmeha sala 2019’an de li restouranta Hoqqabaz a Hewlêrê hate kuştin. Ji wê rojê ve Wargeha Penaberan a Şehîd Rûstem Cûdî (Mexmûr) di bin dorpêça hêzên Partiya Demokratîk a Kurdistanê (PDK) de ye.
Ji bo rakirina ambargoya ser wargehê, şandeyeke ji Mexmûrê serdana Silêmaniyeyê kir. Şandeyê bi sentera Girîngîdayîna Demokrasî û Mafê Mirovan a Silêmaniyeyê re civiyan. Şandeya Mexmûrê daxwaz ji berpirsên senterê kir da ku ji bo rakirina ambargoya ser wargeha Mexmûrê bikevin nava hewldanan.
Li gorî agahiyan, berpirsên senterê jî diyarkirine ku ew ê hewldanên xwe dewam bikin û bi heman armancê raporekî radestî Neteweyên Yekbûyî (NY) bikin. Bi heman armancê şandeya Mexmûrê îro bi endamê parlamentoya Iraqê Dr. Kawe Mehmûd ê li ser fraksiyona Goran re civiya.
Tê payîn ku şandeya Têkiliyên Derve ya Wargeha Mexmûrê li Silêmaniyeyê ji bo rakirina ambargoya ser wargehê bi sazî û rêxistinên mafên mirovan re bicivin. SILÊMANIYE
