HRE’yê bi daxuyaniyekê ragihand ku hêzên wan li gundê Kefer Xaşir ê Ezazê li dijî komên çete çalakiyeke bibandor pêk anîn. HRE’yê da zanîn ku di çalakiyê de 2 çete hatin kuştin û 4 jî birîndar bûn
Hêzên Rizgariya Efrînê (HRE) têkildarî çalakiyên hêzên wan ên li Ezazê li dijî hêzên dagirker ên dewleta tirk û çeteyên wê daxuyaniyeke nivîskî parve kir.
HRE’yê da zanîn ku hêzên wan di 11’ê kanûnê de li gundê Kefer Xaşir ê Ezazê di çarçoveya çalakiyên tolhildanê de li dijî çeper û stargehên artêşa tirk a dagirker û çeteyên wê yên Lîwa El Fetîh çalakiyeke bibandor pêk anîn. HRE’yê da zanîn ku di çalakiyê de 2 çete hatin kuştin, 4 çete birîndar bûn û doçkayeke jî hate rûxandin.
Daxuyanî wiha bi dawî bû: “Piştî çalakiyên hêzên me, artêşa tirk a dagirker û çeteyên wê bi obusan gundên Malikiyê û Merenazê yên Şera ya Efrînê topbaran kirin. Di heman demê de balafirên keşfê yên artêşa tirk a dagirker jî li ser qadê bênavber geriyan.”
