Licê de kooperatîfê cinîyan ame awankerdene. Sereka Kooperatîfî Bedriye Dolake dîyar kerde ke ê do bi paştîdayîş û hetkarîya cinîyan bixebetî
Qezaya Licê ya Amedî de cinîyê kedkar arê bîyî û kooperatîfêk awan kerdî. Tîya ra nizdîyê 2 aşmî verê 5 cinîyê kedkar seba awankerdişê kooperatîfî kewtî mîyanê têgêrayîşan. Seba awankerdişê kooparatîfî cinîyanê ke merkezê qeza û dewan de ronişenî reyde pêvînayîş ame kerdene. Badê munaqeşeyan kooperatîfêk ame awankerdene.
Kooperatîf de cinîyî zerzewatê huşk, tirşî, rîçal, salçe û qawirme viraştî. Seba ke çîyê ke ameyî viraştene û berardene bêrî rotene amadekarî temam bîyî û cinîyan seba awankerdişê kooperatîfî muracat kerdî.
Çend rojî dima do kooperatîf dest bi xebatanê xo bikero. Destpêkê kooperatîfî de do 30 cinî bixebetîyî. AMED
