Li Mêrdînê di 20’ê kanunê de 8 kesên ku hatibûn binçavkirin, rastî îşkenceyê hatibûn. Serokê ÎHD’a Mêrdînê Feyzî Adsiz bertek nîşanî îşkenceyê da û got ku leşker û polîsên ku îşkenceyê dikin tên parastin
Piştî pevçûna li gundên Dêrik û Şemrexê ya Mêdînê, di 20’ê kanûnê de 8 kes hatibûn binçavkirin û piştî 4 rojan hatibûn berdan. Kesên hatibûn binçavkirin îşkence li wan hatibû kirin. Nerazîbûn bertekên ji bo vê didomin.
Serokê Komeleya Mafên Mirovan (ÎHD) a Mêrdînê Feyzî Adsiz bal kişand ser îşkenceyê yên di demên dawî û diyar kir ku îşkence sûc e. Adsiz anî ziman ku divê li tu kesî tiştên derî rûmeta mirovahiyê tiştek neyê kirin û got ku di vê meha dawî de 3 serlêdanên ji bo îşkenceyê hatine kirin.
Di axaftina xwe de Adsiz peymanên navneteweyî bi bîr xist û da zanîn ku îşkence veguheriye tiştekî sistematik û wiha domand: “Berê dozgeran derbarê îdiayên îşkenceyan de lêpirsînên çalak nekirine. Heger lêpirsînên çalak hatibana kirin û kiryar hatibana darizandin wê niha îşkence tunebana. Lê belê dewlet kesên îşkenceyê dikin diparêze. Ser lêpirsînan tên girtin.”
Her wiha Adsiz destnîşan kir ku ji bo leşker û polîsên dewletê yên îşkenceyê dikin ‘polîtîkaya bêcezatiyê’ pêk tê. MÊRDÎN
