Ji ber lehiya li başûrê Îranê ya di çend rojên dawîn de, herî kêm 3 kes mirin
Press Tv ya Îranê ragihand ku ji ber lehiya li başûrê Îranê ya di çend roj dawîn de herî kêm 3 kes mirine û kesek jî winda ye.
Hate ragihandin ku komên lêgerîn û rizgarkirinê bi helîkopter û qeyîkan xwe digihînin herêmên ku lehiyê lê xistiye.
Li gorî ajansa nûçeyan a Îranê li herêmên Hurmuzgan, Kerman, Sîstan-Belûcistanê rê hatine qutkirin.
Hate diyarkirin ku komên rizgarkirinê li bajarê Kasr Kend û derdora wê xwe negihandina 40 gundan.
Li eyaleta Sîstan û Belûcistanê jî 500 gund ji ber lehiyê xisar dît. Alîkarê Wezîrê Tenduristiyê Alîreza Reîsî got ku li gundên Sîstan Belûcistanê ji ber lehiyê 20 hezar kes bêmal mane.
Li eyaleta Hurmuzganê jî 61 kes ji aliyê komên rizgarkirinê hatin rizgarkirin.
Li Îranê sala borî jî lehiyê li 20 eyaletan dabû û herî kêm 70 kes miribûn. TEHRAN
