Serrgêra 15 Sibate roja komploya mîyanneteweyî de xeylê bajaranê cîya-cîyayan de operasyonê binçimkerdişî dîya dest pêkerdene. Vizêr Amed û Dêrsimî de û ewro zî Edene û Êlihî de polîsan eşt xeylê keyeyan ser û xeylê kesan binçim kerdî.
Êlih
Taxa Hîlal ya Êlihî de polîsan saetanê serê sibayî de eştî xeylê adresan ser û badê cigêrayîşanê keyeyan Hasan Balicak, Saît Kortun, Abdullah Îltaş û Abdulvahab Tuzun destbend kerdî. 4 kesê ke sebebê destbendkerdişê înan nêno zanayene ameyî berdene bi Mudirîya Asayîşî ya Êlihî.
Edene
Edene de polîsan ewro serê sibayî eşt 10 keyeyan ser û keyeyî ser û bin kerdî. Sereştişan de malzemeyê elektronikî ameyî dest sernayene û 8 kesî rîyê parekerdişê medyaya sosyale ra ameyî destbendkerdene. Ame zanayene ke di kesê ke derheqê înan de qerarê destbendkerdişî esto yenê cigêrayene û 8 kesê ke ameyî girewtene ameyî berdene bi Şubeyê Sîyasî yê Mudirîya Bajarî ya Edene. ÊLIH /EDENE
