Merkezê Xeberan]
Nêweşîya Vîrusê Korona ke 12ê kanûna 2019î de bajarê Çînî yê Wuhanî ra vejîya raşte û heta nika vilayê 27 welatanê bînan bîye. Goreyê demê verênan Çîn de hûmara kesê ke Vîrusê Korona ra tesîr benî, kêm bîya. Her çiqas ke goreyê demê verênan hûmara kesê ke vîrus ra tesîr benî se ra 40 kêm biba zî hûmara qurbanîyanîyan kêm nêbena. Tena 24 saetanê peyênan de 98 kesî vîrus ra cuya xo vindî kerdî. Goreyê dayeyanê fermî, hûmara qurbanîyanîyanê Vîrusê Korona vejîyaye hezar û 868an.
Komîteya Weşî ya Çînî derheqê rewşa peynî ya Vîrusê Korona de nê malumatan pare kerde: “Tena 24 saetanê peyênan de 98 kesî vîrus ra cuya xo vindî kerdî. Înan ra 93 kesî şarê eyaletê Hubeî yî. Hûmara kesê ke vîrus gonîya înan de ameyo tespîtkerdene zî hezar û 886 a. Bi no hawa hûmara fermî ya qurbanîyanîyanê Vîrusê Korona vejîyaye hezar û 868an û 72 hezar û 436 kesî zî vîrus ra tesîr bîyî.
