Çalakiya nobeta Azadî ji Ocalan re ya li pêşiya avahiya Konseya Ewropayê ya Strasboûrga Fransayê, bi tevlêbûnên nû didome. Çalakiya nobetê ku ket hefteya 400’emîn, koma ji bajarê Montpellîerê ya Fransayê nobet dewr girtin. Di vê komê de Cevat Guneş, Azad Şirnex, Haydar Çewlik û Bakî Alça hene.
Li ser navê komê Cevat Guneş diyar kir ku komploya navneteweyî ya li dijî Rêberê Gelê Kurd Abdullah Ocalan rojeke reş e û ji bo xwedîlêderketina Ocalan kurd li her dera dinyayê têdikoşin.
Guneş bal kişand ser vî tiştî ku gelê kurd 8 sal vê çalakiyê didomîne û wiha got: “Bila kes ji me nexwaze ku em Rêbertiya xwe ji bîr bikin. Em ê her dem girêdayî Rêbertiya xwe bin.”
Çalakiya Nobeta Azadî ji Ocalan re di 25’ê Hezîrana 2012’yan de dest pê kiribû. Li qada çalakiyê avahiyên Dadgeha Mafên Mirovan a Ewropayê, Komîteya Pêşîlêgirtina Îşkenceyê (CPT) û Parlementoya Ewropayê heye. STRASBOÛRG
