Navenda Nûçeyan |
Li Tirkiyeyê di rojên dawî de hêjmara xwekuştinan zêde dibe. Xwendekar, mamoste, ajokar û leşker jî di nav de ji ber qeyrana aborî di nava 12 rojên dawî de 9 kesan dawî li jiyana xwe anî. Kesên ku hatin tespîtkirin ên dawî li jiyana xwe anîne wiha ne:
19’ê Sibat: Li Navçeya Manavgat a Antalyayê Halît Yilmaz ji ber 26 hezar û 450 lîra deynê wî yê bankê hebû dawî li jiyana xwe anî.
19’ê Sibat: Mamosteyê Matematîkê Înan Avşar ku li dibistanake taybet dixebitî, întîxar kir.
19’ê Sibat: Li Navçeya Karşiyaka ya Îzmîrê Omur K. yê 57 salî dawî li jiyana xwe anî.
18’ê Sibat: Xwendekarê Pola 4’emîn ê Beşa Radyo û Tevîzyonê yê Zanîngeha Stenbolê Hakan Taşdemîr întîxar kir.
17’ê Sibat: Li Kolana Hunerê ya Semta Ofîsê ya navçeya Yenîşehîr a Amedê, çawîşê pispor Kadîr Toskar bi çeka xwe întîxar kir.
17’ê Sibat: Welatî Nezîr Kiliç xwe ji qata 4’an a avahiya Qeymeqamtiya Navçeya Cizîr a Şirnexê avêt û dawî li jiyana xwe anî. Nezîr Kiliç ê 42 salî û bavê 4 zarokan ji sedî 76 astengdar bû.
16’ê Sibat: Li garaja kamyonan a Konyayê ajokarê kamyonê yê 37 salî Mevlût Çankaya ji ber qeyrana aborî dawî li jiyana xwe anî.
15’ê Sibat: Li Îzmîrê li navçeya Karşiyaka ya Îzmîrê Î.A. yê 24 salî dawî li jiyana xwe anî.
7’ê sibat: Li Antakyayê, welatî A.Y. li ber walîtiyî piştî got ‘Ez birçî me. Bê kar im. Li malê rewşa zarokên min xirab e. Zarokên min birçî ne’ dawî li jiyana xwe anî.
