Di xwepêşandanên dijî qanûna nû ya welatiyê de ku tê îdîakirin hikûmetê misilman li derve hiştiye, li paytexta Hindistanê Delhî ya Nû şer qewimî.
Di sibeha 25’ê sibatê de di şer de ku tevahiya rojê dewam kir gelek kesan jiyana xwe ji dest dan.
Li taxên Delhî ya Nû yên bakur rojhilatê herêmê ku piraniya şêniyên wê misilman in, tevî keviran, şûr û çek jî hatin bikaranîn.
Li gorî medya Hindistanê, di bûyeran de gelek avahî, kargeh û wesayît hatin şewitandin û êrîş li dijî rojnamegeran jî hate kirin.
Li gorî ajansa Trûst of Îndîa di bûyeran de 13 kes jiyana xwe ji dest dan ku yek jê polîs e, zêdeyî 150 kes jî birîndar bûn.
Qanûna welatiyê ku bû cihê nîqaşê, welatîbûna penaberên ne misilman hêsan dike. Vê yekê rê li ber nerazîbûna misilmanên li welêt kir.
Li Hindistanê ku ji sedî 80 nifûsa xwe hîndû ye, piştî vê pêşnûme qanûnê xwepêşandanên mezin hatin kirin.
Neteweperestê hînt ê ku qanûn da amadekirin Narendra Modî ji sala 2014’an ve serokwezîrê Hindistanê ye. Xwepêşandanên roja sêşemê di demeke welê de hate kirin ku Serokê DYE’yê Donald Trûmp serdana welêt kiribû. DELHÎ YA NÛ
