Qraliyeta Erebistana Siûdî Hec a vê hefteyê bi rengekî demkî rawestand. Piştî ku serdana Kabe hate betalkirin, di roja pêncşemê de li derdora Kabeyê mirov nebûn.
Têkildarî mijarê rayedaran agahî dan û diyar kirin ku ji bo pêşîlêgirtina belavbûna vîrûsa koronayê wan tedbîreke bi vî rengî ya demkî wergirtine. Rayedarek li ser mijarê AFP’ê re axivî û bi bîr xist ku biryareke wiha beriya niha qet nehatiye wergirtin.
Welatên kendavê rojên dawî li dijî şewba Covîd-19’ê gelek tedbîr wergirtin. Gelekan kombûn, mîhrîcan û çalakiyên sporê betal kirin. Li herêmê 5 jê li Erebistana Siûdî, zêdetirî 150 nexweşên bi vîrûsê hatine tespîtkirin.
Her sal bi milyonan mirov serdana Kabeyê dike. Li gorî daneyên fermî di sala 2018’an de 18.3 milyon kesan ûmre kirin. Hec jî di sala 2019’an de ji aliyê 2.5 milyon kesî ve hatibû kirin.
