Walîtiya Mêrdînê bi daxuyaniyekê ragihand ku ji ber şewba vîrûsa koronayê (Covîd-19) heya niha li bajar herî kêm 6 kesan jiyana xwe ji dest dane û 3 gundên din jî xistine karantînayê. Di daxuyaniyê de walîtiyê diyar kir ku gundê Tibyad ê navçeya Qoserê, gundên Qurdîsê û Qesra yên Artuklu xistine karantînayê.
Gundê Tibyadê di 30’ê adarê de xistibûn karantînayê lê têkildarî mijarê heta niha daxuyaniyek nehatibû dayîn. Keyayê gund Feyat Sîncaroglu da zanîn ku her çiqas dewletê gund xistibe karantînayê jî heta niha li gund tu xebatên dezenfektekirinê nehatine kirin.
Di 8’ê nîsanê de jî goma Heramiyê û gundê Endewl ên Dêrikê xistibûn karantînayê. Bi vê yekê re hejmara gundên li Mêrdînê di karantînayê derket 5’an. MÊRDÎN
