Merkezê Xeberan]
Seba ke Îran de goştê kergan rê taleb kêmîya, bi sehezaran lîçikî bi gane-gane ameyî qetilkerdene. Dîmenê ke medyaya komelkî de ameyî parekerdene de asîyeno ke bî sehezaran lîçikî barê kaseyê kamyonan ameyî kerdene û erzîyenî raşteyêko veng. No hedîse welat de bî sebebê reaksîyonan
Kesê ke reaksîyon nîşanê qetilkerdişê lîçikan dayî û Komeleya Wayîrkerdişê Kerganê Rojane dîyar kerdî ke beno ke welat de heme lîçikî bêrî qirkerdene.
Qetilkerdişê lîçikan pawit: Prosesêko xozayî yo
Hetkarê Wezîrê Zîretî Murteza Rızai yo ke Karê Heywankarî reyde eleqedar o derheqê qetlîyamî de kanalêko dewlete de eşkerazî da û bi ‘Vîrusê Korona (Covid-19) vera goştê kergan rê eleqe kêmî bî û coka wayîrkerdişê lîçikan ame sînorkerdene. Heyfo ke erzanîya vayeyan vera wayîrkarê lîçikan mecbur mendî ke lîçikanê zêdeyan îmha bikerî’ çekuyan qetlîyamê lîçikan ca de vîna.
Heme wîjdanan ra gonî rişîyena
Mudirê Pêroyî yê Komeleya Pawitişê Dorme ê Tahranî Said Mahmudi derheqê babete de Ajansê Xeberan ê Wendekaranê Îranî (ISNA) qisey kerd û va: “Caardişêko teberê merdimîye yo. Nê lîçikan de zî can esto. Lîçikan bi gane-gane kerdî binê herre. No hedîse heme wîjdanan ra gonî rijneno.”
