Dewleta tirk a dagirker û komên çete yên girêdayî wê li herêmên dagirkirî yên rojavayê Kurdistanê tu sûcên li dijî mirovahiyê nînin ku pêk neyînin. Li hêlekê sivîlan digirin, direvînin, îşkence dikin, dikujin û koçber dikin, li hêla din jî çav berdane berhemên gelê herêmê.
Hêzên dagirker ên ku bi çavsorî êrîşî gelê herêmê dikin, niha jî bi taybetî qadên jiyanî dişewitînin. Li hêlekê li ser rojavayê Kurdistanê avê qut dike û li hêla din jî bi rêya çeteyan zeviyên çandiniyê ku berhemên wan gihaştî ne dişewitîne.
Hat zanîn ku hêzên dagirker îro jî careke din agir berdan zeviyên çandiniyê yên şêniyên gundê Miserfe yê Eyn Îsa ye. Gundê Miserfa li rojhilatê Eyn Îsayê dikeve. Şêniyên herêmê ji ber êrîşên dewleta tirk û çeteyên wê nikarin şewatê vemirînin. EYN ÎSA
