MÊRDÎN |
Piştî Wezîrê Karên Hundir Suleyman Soylu, di 19’ê tebaxa 2019’an de qeyûm tayînî Şaredariya Bajarê Mezin a Mêrdînê kirin, nelirêtî û bê hiqûqiya di şaredariyê de didome. Piştî qeyûm û walî Mustafa Yaman bi fermana Serokomar kişandin navendê li şûna wî Waliyê Edeneyê Mahmut Demîrtaş tayînî Mêrdînê kirin. Mahmut Demîrtaş niha hem walî hem qeyûmê Şaredariya Mêrdînê ye. Piştî qeyûmê nû dîsa nelirêtî didomin. Qeyûmê berê Yaman, Zeynî Teker ê ku li Enqereyê Mufetîşê Wezareta Perwerdehiyê bû, ew anîbû Mêrdînê û kiribû Serokê Lijneya Teftîşa Şaredariyê û Cîgirê Sekreteriya Giştî ya Şaredariyê. Dîsa erka Wekîltiya Serokê Reveberiya Lijneya Şirketa iştirakî ya şaredariyê debûn wî. Vê carê Zeynî Teker kurê xwe Muhammed Sefa Teker ê ku YOK’ê dîploma û lîsans nedabû wî ew di yekîneya hiqûqê ya şaredariyê de bi cih kir. Muhammed Sefa Teker, li Zanîngeha Kosova Fakulteya Hiqûqê xelas kir. Lê YOK’ê lîsans nedabû wî. Sefa Teker ê YOK’ê lîsans nedabû wî derket holê ku li Yekitiya Muşaviriya Hiqûqê ya Şaredariya Mêrdinê bi cih kirine. Teker di heman demê de encamê Baskê Ciwanan ê AKP’ê ye.
