Navenda Nûçeyan |
Rêxistina Çavdêr a Mafê Mirovan (HRW) bi daxuyaniyeke nivîskî diyar kir ku polîsên tirk û ‘notirvanên şevê’ yên ji asayîşê berpirs in van du mehên dawî li Amed û Stenbolê di bûyerên cuda de li ser 14 kesan binpêkirinên giran pêk anîne û li ser vê delîlên ewle li ber destê wan de hene.
Dîrektorê Bernameya HRW’ê Tom Porteous ev tişt anî ziman: “Nexasim li Amedê di rûdanên dawî de, dema ku li weqayên têkilî tundiya polîsan, îşkence û muameleya nebaş tê mayin, înkarkirina qebhetên polîsan a bi rengê refleksî ve, mixabin rewşeke tê zanîn lê nayê qebûlkirin.”
Porteous diyar kir ku meqamên tirk divê bi lezgînî rapirsîna wan îdîayan bike û bike ku berpirs hesabê bidin û wiha got: “Piştî ku memûrên polîsan kûçikên polîs bera mala mirovan dane şopa devlêkirina kûçikan li ser laşê mexdûran çêbûye.”
HRW’ê da zanîn ku di hemû weqayan de rayedar îdiayên îşkenceyê û muameleya ne baş red dikin.
Her wiha Porteous destnîşan kir ku divê serokkomar û Wezîrê Navxwe yê Tirk aşkera diyar bikin ku bê şert û merc Tirkiye dê li gorî qedexeya mitleq a îşkence û muameleya nebaş biçe û berpirsên muameleya nebaş teslîmî dadê bikin.
