Tepişteyanê PKK û PAJKî 27ê teşrîna peyêne de zîndananê Tirkîya û Vakurê Kurdîstanî de vera tecrîdkerdişê Rayberê Şarê Kurdî Abdullah Ocalanî û binpaykerdişê heqan grevê vêşanîye dabi destpêkerdene. Grevê vêşanîye bi koma 4. roja 17. de dewam keno.
Hemşaredara verêne ya Dêrsimî Nurhayate Altuna ke Zîndanê Kandira de tepişte ya, vera tecrîdê Îmraliyî grevê vêşanîye de ya. Nuthayate Altun bi rayîrê telefonî keyeyê xo rê vat ke aye dest pê grevî kerd.
Sevgî Îlboga û Dîlane Barîn zî Zîndanê Oltuyî yê Erziromî de dest pê grevî kerd.
Wir tepişteyan bi mesajêkî wina vat: ”Çalakîya ma ya bêdem û bidore heta ke ma tira netîce bigêrê do dewam bikera. Ma tecrîd, teda qet qebûl nêkerdî û do nêkerê. Ma do hertim xo ver bidê û ma venga şarî danê ke wa xo ver bido.”
