Merkezê Xeberan
Tepişteyanê sîyasîyan 27ê teşrîna peyêne de zîndanê Tirkîya û Vakurê Kurdîstanî de vera tecrîdkerdişê Rayberê Şarê Kurdî Abdullah Ocalanî û binpaykerdişê heqan ê tepişteyan grevê vêşanîye dabi destpêkerdene. Grevê vêşanîye bi koma 5. roja 23. de dewam keno.
Zîndanê Sîncanî ra Dilber Tanrikulu derheqê çalakîye înan de nê mesjaî dayî:
”Bi na çalakîye ma wazenê ke tecrîdê serê Rayberê ma bêro wedaritene. Her kesî ver heqê Rayberê ma esto ke mîyanê şarê xo de bo. Semedê nayî çîyo ke destê ma ra bêro ma do bikerê. Çalakîya ma do heta serkewtiş dewam bikera. Bawerîya ma esta ma do ser bikewê. Wa her kes destê xo bikero binê kerra. Ma na berpirsîyarî pîya bigerê xo ser û tacîdar bikerê.”
