Derheqê Mudirê Karanê Nuşteyan ê Azadîya Welatî Rohat Aktaşo ke Cizîr de ame qetilkerdene û 26 rojnamegeran de cipersayîş ame destpêkerdene
Goreyê xebera MA derheqê 26 îdarekar û xebatkaranê rojnameyê Azadîya Welato ke bi Qerarnameyê Hukmê Qanûnî amebi qefilnayene, de cipersayîş ame destpêkerdene. Rohat Aktaşo ke Cizîr de amebi qetilkerdene o zî mîyanê nê lîsteyî de ca gêno.
27 xebatkaran rê cipersayîş
Kesê ke semedê îfedeyî vanga înan dîyayo wina yê: Wayîrê îmtîyazê rojnameyî Ramazan Olçen, Mudirê Karanê Nuşteyan Îsmaîl Çoban, rojnameger Bişar Dûrgût, Emrah Kelekçîler, Mehmet Çetîn Altûn, Melek Bozane, Rojhat Bîlmez, Zafer Tuzun, Zeynel Abîdîn Bûlût û xebatkarê rojnameyî Elfesiya Barane, Ferît Koyluoglû, Metîn Gul, Yildirim Temel, Hamza Bîçer, Cîhan Îpek, Haci Yûsûf Topaloglû, Serdar Kale, Ozkan Ozbayhan, Seydoş Dayan, Welat Yalçin, Welat Oztekîn, Mehmet Emîn Kaya, Sidik Araz, Harûn Aydin, Mehmet Şah Aydemîr û Mehmet Selîm Azçalişan.”
Heta nika 6 rojnamegerî û 3 xebatakaranê verînan Mudirîya Şûbeyê Temî yê Amedî de îfade da. Bişar Dûrgût, Emrah Kelekçîler, Mehmet Çetîn Altûn, Rojhat Bîlmez, Zafer Tuzun, Zeynel Abîdîn Bûlût, Elfesiya Barane, Mehmet Şah Aydemîr û Welat Oztekînî yê ke çarçeweya cipersayîşî de îfade dayo derheqê rexistine de persî ameyî persayene.
Cipersayîş de cagirewtişê Mudirê Karanê Nuşteyan ê Azadîya Welatî Rohat Aktaşo ke Cizîr de 16ê Sibat a 2016î de ame qetilkerdene, bale ant xo ser. AMED
