Merkezê Amedî de û zaf qezayanê ci de 5 serran ra pey reya verêne vewre varaye. Vewre ra pêro şaristan bi sipî û dîmenê rengînî vejîyayî werte. Bêguman cayê tewr weşî yê şaristanî Şehîdlîkî ra ewnîyayîşê bircan o û kêfweşîya hûyayîşê domanan o.
Şaristan de bi kêfweşîya domanan Baxçeyanê Hevselî û Çemê Dîcle de zî dîmenê rengînî vejîyayî werte. Domanan û ciwanan vewre sey firsend dî û vejîyayî meydanan û parkan û pê vewre kay kerd. Doman û ciwananê ke pê vewre kay kerdêne, fotografî antî. AMED
