Amerîkaya ke naye ra verî birre dabî ke xo Peymana Awûhewayî ya 2015î ra bianca, na birra xo do teşrîna peyêne 2020î de bi hewayêkê resmî bifîya rewac
Amerîkaya ke naye ra verî birre dabî ke xo Peymana Awûhewayî ya 2015î ra bianca, na birra xo do teşrîna peyêne 2020î de bi hewayêkê resmî bifîya rewac.
Peymana ke serra 2015î de kombîyayîşê berzî yê awûhewayî ya ke Parîs de ameybî amedekerdene, serra 2016î de binê observasyonê Neteweyanê Yewbîyayeyan de ameybî îmzakerdene. Nameyê Amerîka ser o serokê ê demî Barack Obamayî mohrê xo daybî binê peymana awûhewayî ra. La dima ey serok Donald Trumpî xo na peymane ra anitîbî. Trumpî beyan kerd ke o do birra xo serrêna bifîyo rewac.
Wezîrê Karanê Teberî yê DYAyî Mîke Pompeoyî dîyar kerd ke birra peymana verî ra destanitiş bi hewayêko resmî Neteweyanê Yewbîyayeyan rê ameyo beyankerdeene.
Donald Trump îdîa keno ke germîya globale karbondîoksît yan zî gazanê bînanê serayî ra serkewte nîya. Trumpî verê weçînitişê 2016î de soz daybî ke Amerîka na peymane ra bianco. Serra 2016î ra bîyo197 welatan mohrê xo dayo binê Peymanana Awûhewayî ra. Amerîkaya ke do na peymane ra dest bianca halê hazirî de Çînî ra dima tewr zêde karbondîyoksîtî atmosferî ra vila kena. WASHÎNGTON
