Dewleta tirkî ya dagirkere û çeteyê aye nê gaman de dewa Qasimîyê ya Til Temirî bombardûman kenî
Hêrişê dewleta tirkî ya dagirkere û çeteyê pabesteyê aye DAIŞ, El Nusra û OSOyî yê vera rojawanê Kurdistanî bêmaben dewam kenî. Her çiqas ke mabenê DYA û Tirkîya de adirbirnayîş bêro îlankerdene zî dewleta tirkî ya dagirkere û çeteyê aye seba hîrakerdişê sînoran bi çekanê giranan hêrişanê xo domnenî û şervanê Hêzê Sûrîyeya Demokratîke (HSD) ke zî çarçeweya pawitişê meşrû de derbê giranan danî dagirkeran ro.
Na çarçewe de hêzê artêşa tirkî ya dagirkere û çeteyê aye bi çekanê giranan dewa Qasimîyê ya Til Temirî bombardûman kenî. Derheqê rewşe de xeberêk zelal çin o. TIL TEMIR
