Artêşa tirk bi avakirina baregehên leşkerî hewl dide ku li Efrînê xwe mayînde bike û Efrînê bi dest xwe ve bîne. Di vê çarçoveyê de jî li girê rojhilatê gundê Dewrêş ê Racoyê baregeheke din a leşkerî ava kir
Hêzên artêşa tirk û komên çete yên girêdayî wê piştî ku Efrîn dagir kirin, hewl didin ku bi avakirina baregehên leşkerî xwe li Efrînê mayînde bikin. Di vê çarçoveyê de artêşa tirk li gelek deverên Efrînê baregehên leşkerî ava kirin.
Li gorî agahiyên ji Efrînê, artêşa tirk li ser girê rojhilatê gundê Dewrêş ê girêdayî Raco ya Efrînê jî baregeheke leşkerî ava kir.
Hêjayî bibîrxistinê ye ku ji roja destpêkê ya dagirkeriyê heta niha dewleta tirk li Efrînê baregehên leşkerî ava dike û heta niha gelek baregeh ava kirine. Ev baregehe jî piştî ku dewleta tirk baregeha xwe ya li Cindirêsê bi dawî kirî hate avakirin. EFRÎN
