Artêşa tirkî ya dagirkere konvoya sivîlan ya ke Reqqa ra ver bi Girê Spî ameyên bi teyareysnê şerî bombardûman kerde. Netîceyê bombardûmankerdişî de 3 sivîl ameyî qetiilkerdene û bi desan birîndarî estî
Seba şermizarkerdişê hêrişanê dagirkerî yê dewleta tirkî û komê çeteyan yê girêdayeyê aye yê vera rojawanê Kurdistanî, bi desan hemwelatijî herêmanê cîya-cîyayan yê vakur û rojhelatê Sûrîye ra herikîyayî Girê Spî. Hemwelatijî waştî ke tewrê çalakîya mertalê ganî bibî.
Goreyê xeberan seba eynî waştişan konvoyêk sivîlan Reqqa ra wexto ke ver bi Girê Spî ameyêne bî hedefê teyareyanê şerî yê dewlet tirkî. Çîmeyê herême da zanayene ke netîceyê bombardûmankerdişî de 3 sivîl şehîd bîyî û bi desan kesî zî birîndar bîyî.
Sewbîna goreyê çîmeyanê herême ame zanayene ke hemwelatijê ke bajaranê cîya-cîyayan xo resnayî Girî Spî û Çerxerayîrê Ele Elemî arê bîyî. GIRÊ SPÎ
