Şewa verên artêşa tirkî ya dagirkere û çeteyê aye hêrişê dewa Til Emranî ya pabesteyê Zîrganî kerdî. Şervanê HSDyî çarçeweya xopawitişê meşrû de cewab day hêrişan û şerêko şîdetin qewimîya
Her çiqas ke mabenê DYA û Tirkîya de des rojî verê adirbirnayîş bêro îlankerdene zî hêrişê dewleta tirkî ya dagirkere û çeteyê girêdayeyê aye yê vera rojawanî dewam kenî. Şervanê Hêzê Sûrîyeya Demokratîke (HSD) çarçeweya xopawitişê meşrû de cewab danî hêrişanê dagirkeran yê dewa Til Emranî ya pabesteyê Zîrganî ya Serêkanîyê. Şewa verên artêşa tirkî ya dagirkere û çeteyê aye hêrişê dewa Til Emranî ya pabesteyê Zîrganî kerdî. Şervanê HSDyî çarçeweya xopawitişê meşrû de cewab day hêrişan û şerêko şîdetin qewimîya. Badê şerî artêşa tirkî ya dagirkere merdeyanê xo berde nêweşxaneyanê Tirkîya, labelê nîno zanayene ke berde kamî bajaran.
