Li başûrê Kurdistanê li dijî dagirkeriya dewleta tirk a li ser Bakur û Rojhilatê Sûriyeyê heta niha bi hezaran kes beşdarî boykotrina malê tirk bûne
Piştî ku dewleta tirk a dagirker dest bi êrîşên li ser Bakur û Rojhilatê Sûriyeyê kir, li başûrê Kurdistanê pêngava boykotkirina malên Tirkiyeyê hate destpêkirin û her ku diçe berfireh dibe. Heta niha bi hezaran kes beşdarî boykotkirina malê Tirkiyeyê bûne.
Di destpêkê de pêngavê bi rêya torên civakî û gerana di nava bazaran destpê kir ku ji bo boykotkirinê esnaf dihatin agadarkirin. Çavdêr aşkera dikin ku aboriya Tirkiyeyê li ser pişta başûrê Kurdistanê xwe li pêyan digire, eger boykota malê Tirkiyeyê were kirin, wê aboriya Tirkiyeyê wêran bibe. Tê gotin ku eger aboriya wê têk biçe wê êdî nekare çekan bikire. Her wiha beşdarên pêngavê ji bo xelk malê Tirkiyeyê nasbikin, zanyariyan belav dikin.
Çawa malên Tirkiyeyê nas bikin?
-Her madeyekê kodekî xwe heye. Her wiha her welatekê kodê xwe yê taybet heye. Piraniya kodê malê Tirkiyeyê bi van du jinaran destpê dike, 868 û 869.
– Li ser piraniya berheman navê welatan hatiye nivîsandin. Li ser malê Tirkiyeyê jî ‘Made in Turkey’ heye.
– Dîroka bikaranîna malê Tirkiyeyê bi tirkî ye. HEWLÊR
