Mehkemeya Qanûno Bingeyî qerar daye ke 3 serr û 6 aşmî cezaya ke qiseykerdişê Newroza 2013î de Parlementerê verên yê HDPyî Sirri Sureyya Onderî ameya birnayene ‘azadîya îfadekerdişî’ yê Onderî ameya binpaykerdene. Bi qerarê AYMyî yeno pawitene ke Onderî zîndan ra bêro veradayene
Parlamenterê verên yê Partîya Demokratîke ya Şaran (HDP) Sirri Sureyya Onderî rîyê qiseykerdişê xo yê Newroze yê 2013î yê Meydanê Kazliçeşme ra 6ê Kanûna 2018 ra nata Zîndanê Tîpa Fyî yê Kandira de tepişte yo.
26. Mehkemeya Cezaya Giran ya Stenbolî bi îddîaya ‘propagandaya rêxistine’ cezaya zîndanî dabi Onderî û Mehkemeya Edlîye ya Herême ya Stenbolî (îstînaf) cezaya zîndanî tesdîq kerdibi û ceza amebi eşkerakerdene. Mehkemeya Huqûqê Bingeyênî muracatê Onderî ser ke dimayê tasdîqê ceza kerdibi, cigêrayîş kerd û qerar da ke ‘îhlalkerdişê azadîye yê îfadekerdişî’ ame meydan. STENBOL
