Nobeta Demokrasîyî ya ke Amed de vera xespkerdişê şaredarîyan yena viraştene kewte roja xo ya 19ine
Nobeta Demokrasîyî ya Amedî ya ke 19ê Tebaxe ra nata vera xespkerdişê 3 şaredarîyanê bajaranê pîlan ê HDP’yî yena viraştene roja 19ine de ya.
Nebata Demokrasîyî ya ke Kuçeyê Lîse de yena viraştene, palamenterê Partîya Demokratîke ya Şaran (HDP), îdarekarê Partîya Sosyalîstanê Bindeste (ESP), Meclîsê Dayîkanê Aştîye, endamê Mebya-Derî û seyan kesî tewrê ci bîyî. Ablûqaya polîsan zî sey tim dewam kena. Şar bi slogan, fîtik û çepikan qeyûman protesto keno. Reyna hemwelatijî kursîyo serbest de fîkrê xo ano ziwan. Ewro do endamê Komeleya Alîmanê Dînî yê Stenbolî, avûkatê endamê Komeleya Huqûnasanê Azadan (OHD) û îdarekarê Federasyonê Komeleyanê Herêmê çalakîye zîyaret bikerê. Badê çalakîye do eşkerayîyêk bêro dayene. AMED
