Mêrdîn de xoverdayîşê vera xespkerdişê şaredarîyanê Amed, Wan û Mêrdînî roja 21ine de dewam kerd
Vera xespkerdişê şaredarîyanê bajaranê pîlan ê Amed,Wan û Mêrdînî yê HDPyî çalakîyê protestoyî dewam kenê. Mêrdinijî roja 21ine de reyna vejîyayî meydanan.
Eşkerayîya ke verê banê Partîya Demokratîke ya Şaran (HDP) yê Mêrdînî de ameye dayene, parlamenterî Meral Daniş Beşdaşe, Dersim Dage, Necet Îpekyuz, Huda Kaya, Siddik Taş, Ebru Gunaye, Pero Dundare û Zuleyha Gulume, Dayîkê Aştîye û hemşaredarê HDPyî tewrê ci bîyî. Eşkerayîya ke binê ablûqaya polîsan de ameye viraştene de hemserekê partîye yê bajarî Mehmet Demîrî nê vatî: “Eke şar wezano dersê qeyûman bido înan ganî xoverdayîş gird bikero. Ma zaf hol zanê ke qeyûmî qey ameyî û peyê xo çi do biverdê. Êlih de înan kerra kerra sera nêna la deyno gird xo dima verda. Ma senî ke îqtîdar wazeno verê qeyûman de do milê xo çewt nêkerê, ma do mucadeleyî rê dewam bikerê.”
Badê eşkerayîye seba 10 deqeyan çalakîya roniştişî ameye viraştene û bi çepik û tîlîîyan ameye qedînayene. MÊRDÎN
