Amed de çalakîya vera xespkerdişê îradeyê şarî roja 9ine de bi deyîranê şorişgêrî yena domnayene
Çalakîyê protestokerdişê xespkerdişê şaredarîyanê Amed, Wan û Mêrdînî yê ke 9ê tebaxe ra yenê domanyene roja 9ine de dewam kenê. Xoverdayîşê Amedî ra deyîrê şorişgêrî berz benê.
Çalakîya roniştişî ya ke kuçeyê Lîse de yena viraştene pîya bi şarê Amedî parlamenterê Partîya Demokratîye ya Şaran (HDP) Zeynel Ozen, Hasan Ozguneş, Salîha Aydenîze, Remzîye Tosune, Nîmettullah Erdogmuş, Hîşyar Ozsoy, Dersîm Dage, Felaknaz Ucaye hemşaredarê Bajarê Girdî yê Amedî Adnan Selçuk Mizrakliyo ke wezîfeyê ci ame xespkerdene tewrê ci bîyî. Xoverdayîşê roja newine yo ke bi deyîranê şorişgêrî yê cinîyan ame destpêkerdene yeno pawitene ke temsîlkarê Yewîya Odeyê Muhendis û Mîmaranê Tirkî (TMMOB), Konfederasyonê Sendîkaya Kedkaranê Rayapêroyî (KESK), Konfederasyonê Sendîkaya Karkeranê Şorişgêrî (DÎSK) û Yewîya Tabîbanê Tirkî (TTB) zî tewrê ci bîbê. AMED
