Qulubê Sporî yê Haci Bektaş Velî hetê tekwandoyî de pê ser serkeweno. Sporwanê qulubî ardî ziwan ke bi wesîleya kursanê cemxaneyî hîna zêde kulturê xo musenî
Şubeyê Dîlokî yê Federasyonê Komeleya Kulturê Elewîyan (AKDF) serra 2013î de Qulubê Sporî yê Haci Bektaş Velîyî awan kerd. No qulub Tirkîye de yewin bî ke binê banê cemxaneyî de ameyo awankerdene. Qulub Cemxaneyê Duztepeyî de xebetîyeno. Qulub bi serkewtişanê xo yê herêmî û navnetewî bale anceno. Ciwanê elewî yê ke ameyî qulub û sporê tekwandoyî reyde eleqedar benî ardî ziwan ke bi wesîleya kursanê cemxaneyî hîna zêde kulturê xo musenî
Serekê Şubeyî Îsmet Kurtî dîyar kerd ke no 6 serrî yo ke qulubê înan esto û va: “Zêdeyê 100 wendekarê Qulubê Sporî yê Haci Bektaş Velî estî. Ciwanê ma bîla sebeb teber de nêgêrenî. Xeylê cayanê Tirkîye û Dîlokî de ma ser kewtî û turnuvayan de madalyayan girewtî. Ma wazenê ke tîya de tîmêk futbol, basketbol ya zî voleybolî awan bikerî.”
Mamosteyê Tekwandoyî Mehmet Bagriyaniko k nizdîyê 30 serrî yo tekwando reyde eleqedar beno da zanayeneke ciwanî bi sporî çîyanê xiraban ra dûrî kewenî û kulturê xo musenî.
Sporvan Heval Gulçîçeke (15) û Demîrcan Akyelo (15) ke 4 serrî yo qulub de yo, dîyar kerdî ke tîya de hîna zêde kulturê xo musenî. DÎLOK
