Gerîlayê HPGyî Abdulselam Oguz (Zinar Sorî) 30ê tebaxa 2021î de herêma Besta ya Şirnexî de şehîd bibi. Cenazaya Sorîyî 27 mengan ra dima teslîmê keyeyê ci ameye kerdene.
Keyeyê Zinar Sorîyî seba ke cenaza bigêro, sena DNA gonîye dabî. La cenaza eşkerabîyayîşê testê DNA ra verî Goristanê Bêkesan ê Şirnexî de amebî definkerdene.
Dozgerîye 27 mengan ra dima vizêr keyeyî rê telefon kerd ke wa cenaza bigêro. Keye Hezexî ra şi Şirnexî û cenaza girewte.
Cenaza wecîbeyanê dînî ra dima qezaya Hezexî de Goristanê Şêxhesenî de bi beşdarîya bi seyan kesan ameye definkerdene. ŞIRNEX
