Cenazeyê Zehra Saglam a ji bo şikandina tecrîda li ser Ocalan li Girtîgeha Oltû ya Erziromê çalakiya canbexşane bêk anî û şehîd bû di bin dorpêç û xedexeya polîs û leşkeran de spartin axê. Leşkeran destûr neda ku parlamenter beşdarî definkirina cenaze bibin
Girtiya siyasî Zehra Saglam a li Girtîgeha Tîpa T a Oltu ya Erziromê, ji bo şermezarkirina tecrîdkirina Rêberê Gelê Kurd Abdullah Ocalan çalakiya canbexşane pêk anî û şehîd bû. Cendermeyan cenazeyê Saglam ji Saziya Tipa Edlî ya Erzîromê revandin û anîn gundê Xinzorê yê Gimgima Mûşê. Walîtiya Mûşê ketin û derketina gund qedexe kir. Piştî qedexeyê polîs û leşkeran bi wesayitên zirxî rêya gund girtin. Leşker û polîsên gund dorpêç kirin, destûr nedan wekîlên HDP’î û gel tevlî merasîma veşartina cenaze bibin. Leşkeran tenê destûr da ku çend kesên ji malbatê tev li definkirina cenaze bibe. Malbatê cenazeyê Saglam di bin dorpêçiya leşkeran û maşineyên zirxî ya gund û goristanê de spartin axê.
Cenazeyên Zulkuf Gezen û Ayten Beçet yên li girtîgehê tecrîd şermezar kiribûn û şehîd bûbûn jî hatibûn revandin û di bin dorpêça polîsan de defin kiribûn. MÛŞ
