Komên çete yên girêdayî dewleta tirk tevî agirbestê jî êrîşî gundên Serêkaniyê û Til Temirê dikin. Li dijî vê hewldana berfirehkirina dagirkeriyê, şervanên HSD’ê jî di çarçoveya mafê xweparastinê de bersivên tund didin komên çeteyan
Tevî agirbesta di navbera HSD’ê û artêşa tirk de ya bi navbeynkariya Rûsyayê jî, êrîşên dewleta tirk û çeteyên wê yên li ser rojavayê Kurdistanê bênavber didomin. Dagirkerên ku agirbestê binpê dikin, hewl didin ku gundên Serêkaniyê û Til Temirê dagir bikin.
Li gorî agahiyên ji herêmê, hêzên artêşa tirk a dagirker û çeteyên wê agirbestê binpê dikin û ji serê sibehê ve êrîşî gundên Menacîr, Esediyê û Çava yên Serêkaniyê dikin. Şervanên HSD’ê jî bersivên tund didin çeteyên dagirker. Di şer de şervanekê HSD’ê birîndar bû.
Di heman demê hêzên dagirker di van kêliyan de êrîşî gundê Erbeîn ê Til Temirê dikin. Çeteyên ku dixwazin ji agirbestê sûd wergirtin û herêmên xwe berfireh bikin, êrîşên xwe didomînin. Lê şervanên HSD’ê jî di çarçoveya mafê xweparastinê de bersivên tund didin hêzên dagirker.
Şerê li gund hê jî didome. SERÊKANIYÊ
