Li Girê Spî mayîn bi çeteyekê Cebhe El Şamiyeyê ve teqiya. Hat zanîn ku ev çeteye tev li êrîşên dagirkirina Efrînê û rûxandina Goristana Şehîdan a Efrînê jî bûye
Li bajarê Girê Spî yê ku ji hêla hêzên artêşa tirk a dagirker û çeteyên wê ve hatiye dagirkirin de mayînek bi çeteyê girêdayî Cebhe El Şamiyayê ve teqiye. Hat zanîn ku çeteyê ku mayîn pêve teqiyayî Ebû Cemal Kebzo ye ku endamê îstîxbarata çeteyên Cebha El Şamiyeyê ye.
Hat zanîn ku ev çeteye ji Til Rifatê ye û li Efrînê bi cih bûye. Her dawî jî tev li êrîşên qirkirinê yên dewleta tirk û çeteyên wê yên li dijî rojavayê Kurdistanê bûye.
Li gorî agahiyan, çete Ebû Cemal di êrişên sala 2018’an ên li ser Efrînê de jî tev li wêrankirina goristana şehîdan bûbû. Çete Ebû Cemal Kebzo ku ji ber mayînê birîndar dibe, rakirina nexweşxaneya dewleta tirk. GIRÊ SPÎ
