Tirkîya amadekarîya xo ya seba dagirkerdişê Vakur û Rojhelatê Sûrîye dewam kena û dewleta tirkî çeteyê OSO bi konvoyêkê 100 wesayîtan sewqê Kanîya Xezalan ameyî kerde
Çeteyê bi nameyê Artêşa Sûrîye ya Azade (OSO) seba hêrişê dagirkerdişê Vakur û Rojhelatê Sûrîye bêrê xebitnayene, nêmşewe saet 02.30î de sewqê qezaya Kanîya Xezalanî ya Riha ke kewena hemverê Girê Sipî ameyî kerdene
Komê çeteyan herêma Ezazî ya Sûrîye ra derbasê Kîlîsî, tîya ra zî bi otobusan derbasê merkezê qezaya Kanîya Xezalan bîyî. Konvoyê 100 wesayîtan ê leşkerî derbasê Merkezê Mendiş o Demdemî yê Kanîya Xezalan bîyo û çeteyî herême de ameyî cakerdene.
Konvoyê leşkerî tîmanê trafîkî yê cendirmeyan reyde û wesayîtanê leşkerî yê artêşa tirkî reyde ameyî qezaye. Pêroyê otobusanê ke çeteyî tede bîyî ra ber TIRê ke doçka û wesayîtê seba şerî bêrê xebitnayene, mabênê konvoyî de estbî. RIHA
