Dewa Cafranî ya Çewlîgî de birayî Serkan û Ozgur Kîşînî kewtî peyê hingimênê xozayîyî. Birayî zimistanan şaristan de xebitîyenê la wexto ke wisar dîyeno yenê dewa xo û bilîyê karê bax û baxçeyî benê. La reyna zî nêeşkenê debarê xo bikerê.
Dewa Cafranî de pê mazêran girewte ya. Ge ge hingeyî mabênê mazêran de hingimên virazenê. Wird birayî Serkan û Ozgur zî bi serran o ke hingeyan teqîb kenê. La wexto ke ma detayê karê înan yeno persayen huyenê û vanê: ”Sirê ma yo, ma nêeşkenê vajê. Bi mengan ma peyê hingeyan de gêrenê, cayê hingimênî wina vînenê. Wisar de ma ewnîyenê binê pêro kerra û daran. Payîz de şima nêeşkenê hingimên bivînê, zimistan zî. Eke ma cayêk de hingimên dî rêçe kenê ke yewna kes nêvîno. Peynîya tebaxe û destpêkê êlule de ma daran akenê û hingimên gênê. Ma hihgimênê xo kenê berduşanê xo. Ma hetê xo de çuwal benê û hinge dekenê zereyê çuwalî. Dima kî ma hingeyan dekenê zere hînî bi rehetî xo resnenê hingimênî. Bi nê hawayî hingeyî nêeşkenê dormeyê hingimênî bigêrê. Dima ma her çi arê danê û kewenê rayîrê dewe. ” ÇEWLÎG
