HDPyî taxa Ûydûkentî ya merkezê Çewlîgî de buroyê weçînayîşî akerd
Taxa merkezê Ûydûkentî ya Çewlîgî de buroyê weçînayîşî ame akerdene. Namzedê hemserekîye yê Şaredarîya Çewlîgî Senem Cakase û Hişyar Ozsoy, parlamenterê HDPyî yê Çewlîgî Erdal Aydemîr, hemserekê bajarî yê DBPyî Siddikû, endamê Meclîsê Pêroyî yê Bajarî û endamê Meclîsê Şaredarîye beşdarê programê akerdişî bîyî.Parlamenter Erdal Aydemîrî qiseykerdişê xo yê akerdişê buroyî de wina va: “Şarê Çewlîgî bi HDPyî do bireso xizmete û ma bawer kenê ke no weçînayîş seba welatî bibo wesîlayê haştîye û azadîye.”
Qiseykerdişan ra dima, buro bi tilîlî û çepikan ame akerdene û sloganî ameyî eştenê. ÇEWLÎG
