Rêxistina Efû ya Mîyanneteweyîye derheqê binpaykerdişanê heqanê merdiman ê Îranî de raporêk pare kerd. Rapor de dîya zanayene ke zîndanê Îranî bîyê cayê kiştişî û cezaya dardekerdişî goreyê serra 2022yî hîrê qatî zêdîyaya.
Goreyê doneyanê Rêxistina Efû ya Mîyanneteweyîye sereyê serra 2023yî ra nata tewr tay 282 kesî ameyê dardekerdene. Goreyê raporî Îran de se ra 20ê kesê ke ameyê dardekerdene, belûc ê.
Rapor de bale ameye antene ser ke rejîmê Îranî cezaya dardekerdişî rê dewam keno û beno ke peynîya 2023yî de hûmara dardekerdeyan biba hezar.
