Ayla Seyîtoglûya ke nêweşîya rîşa merdimwere aye de esta û çend rojî verê hetê leşker û cendirmeyan ra seba ke tewrbîyayîşê çalakîya fekê berê HDPyî red kerdebî, qezaya Hênê ya Amedî de ameyebî tepiştene. Cinîya nêweşîya rîşa merdimwere ameye serbest veradayene
27ê êlule de qezaya Hênê ya Amedî de leşker û cendirmeyan eştbî keyeyê Ayla Seyîtoglûya 50 serrî ke nêweşîya rîşa merdimwere aye de esta ser û Seyîtoglûye ser de tewrbîyayîşê çalakîya fekê berê HDPyî ferz kerdî. Seyîtoglûye seba ke ferzkerdişê leşker û cendirmeyan red kerdebî ameyebî tepiştene. Seyîtoglûya ke 4 rojan Qereqolê Cendirmeyna ya Qeza de mende ewro badê ke vejîyaye mehkema serbest ameye veradayene.
Seyîtoglûye dîyar kerde ke binêçiman de lajê aye o ke tewrê HPGyî bîyo, şerê herême û qiseykerdişê telefonî yê bi merdimanê aye yê Stenbolî, aye rê ameyî perskerdene û va: “Timî ameyêne û mi rê vatêne ‘Ma telefon danî to, eke lajê to yê koye bêro nê cayan ti xebere bida ma.’” AMED
