Bi pêşengtiya Însiyatîfa Ciwanên Başûrê Kurdistanê gelek ciwanan ji navçeya Koyê ya Hewlêrê li dijî êrîşa dewleta tirk ber bi Behdînan ve meşiyan. Meşa ciwanên başûrê Kurdistanê gihîşte Dêgele. Çekdarên Partiya Demokrata Kurdistanê (PDK) li Seytereya Dêgele pêşî li meşê girtin. Li Dêgele ciwanan diyar kirin ew ê çalakiya xwe li vê derê berdewam bikin û ji PDK’ê xwestin ku dest ji xiyanetê berdin. Ciwan li nuqteya kontorlê ya hêzên PDK’ê ya Dêgele ku dikeve navbera Koyê û Hewlêrê de hate rawestandin û rê nedan ciwan meşa xwe berdewam bikin.
Yek ji Endamên Komîta Amadekar a Meşê Şatu Mihemed ji Ajansa Nûçeyan a ROJNEWS’ê re axivî û wiha got: “Her çiqas hêzên çekdar ên partiya ne demokrat rê li me girtine û xwestin êrişê ser me bikin, lê em ê çalakiya xwe bi awayek medenî berdewam bikin û biryare li vêderê bimînin û hewil bidin astengiyan têkbişkînin.”
Li gor agahiyên nûçegihanê ROJNEWSê dane, cihê ciwan lê rawestayîn ji beriya mirov bigihe nuqteya kontorlê ya Hêzên PDK’ê ya Dêgele ye. PDK’ê hêzek taybet ji bo çalakiyê anine vêderê. Dê ciwan li wê derê dest bi çalakiya rûniştinê bikin.
