Hevşaredarê Bajarê Mezin a Amedê Selçûk Mizrakli yê qeyûm tayînî şûna wî hat kirin, di çarçoveya îtîrafkariya Hîcran Berna Ayverdî de hatibû girtin. Mizrakli bi angaşta ‘Endamê rêxistinê ye’ tê darizandin. Danişîna biryarê ya doza Mizrakli li 9’emîn Dadgeha Cezayê Giran a Amedê hat dîtin.
Mizrakli beşdarî danişînê nebû. Dozger ji 7 sal û 6 mehan heta 15 salan cezayê girtîgehê ji Mizrakli re dixwest û biryara xwe dubare kir.
Piştî parastina parêzerên Mizrakli, Zulal Erdogan, Mehmet Emîn Aktar, Cîhan Aydin û Muhsîn Bîlal, şandeya dadgehê biryara xwe aşkera kir. Dadgehê bi angaşta ‘endamtiya rêxistinê’ 9 sal, 4 meh û 15 roj cezayê girtîgehê li Mizrakli birî. AMED
