Komên dagirker ên artêşa tirk û çeteyên wê li Efrînê 7 jê jin, bi giştî 10 mamoste revandin. Hat zanîn ku ji mamosteyên hatine revandin yek jê ducanî ye
Hêzên artêşa tirk û komên çete yên girêdayî wê yên DAIŞ, El Nusra, El Qaîde, Ehrar El Şam û OSO’yê kiryarên xwe yên dermirovî yên li dijî gelê Efrînê didomînin. Hêzên dagirker ku li Efrînê zilmekî mezin li şêniyên resen ên Efrînê dikin, rojane welatiyan direvînin, digirin, binçav dikin û îşkence dikin. Di heman demê de polîtîkaya guherandina demografyaya herêmê jî di asteke herî bilin de dimeşînin.
Hat zanîn ku komên çete yên girêdayî artêşa tirk, li Efrînê 7 jê jin bi giştî 10 mamosteyên kurd revandin. Çavkaniyên ji herêmê da zanîn ku mamosteyên ku li taxa Eşrefiye ya Efrînê dixebitin, piştî ku ji dibistanê derketin hatin revandin. Çavkaniyan ragihand ku ji mamosteyên hatine revandin yek jê ducanî ye.
Navên mamosteyên hatine revandin wiha ne: “Sedîqa Xelîl, Ronahî Şêxsîdî, Behzat Xelîl, Reşît Bayram û Ronya, Bêrîvan, Nesrîn û Juliyet ku paşnavên wan nehatin zanîn.”
Çavkaniyên ji Efrînê got ku hêzên dagirker li Efrînê axaftina bi zimanê kurdî qedexe kirine. Çavkaniyan diyar kir ku komên çete li navçeya Raco ya Efrînê jî gelek dar birîne. EFRÎN
