Dewleta tirkî ya dagirkere û çeteyê girêdayeyê aye dewanê Til Temirî bombardûman kenî
Gore xeberan, dagirkerî saete 09.45î de bi obus û hawanan dewanê Dawudîye û Hiwêşa yê Til Temirî ser o bombayî varnayî. Nê dewan de sivîlî zî estî.
Dagirkeran 12ê teşrîna peyêne de bi hawayêkê giranî dewanê Reşidîye, Qasimîye, Reyhanîye, Menax, Ûm el Kêf û Azîzîye, Dirbo û Kinebirî yê Til Temirî ser o bombayî varnayî.
Dewleta tirkî ya dagirkere û çeteyê girêdayeyê aye 9ê teşrîna verêne ra nata hêrişê Rojawanî kenî. Hêrişan de bi seyan sivîlî ameyî kiştene, bi se hezaran sivîlî zî warê xo ca verdayî. Gore raporanê rêxistinanê mîyanneteweyan hêrişan de înfazê kome zî tede zaf sucê şerî ameyî kerdene. Îdareyê Xoserî eşkera kerd ke sey fosfora sipîye zaf çekê qedexekerdeyî zî yenê xebitnayene. TIL TEMIR
