Danişîna doza hevşaredarê Bajarê Mezin a Amedê Selçûk Mizrakli li 9’emîn Dadgeha Cezayên Giran a Amedê dest pê kir. Mizrakli ji Girtîgeha T2 ya Bunyan a Kayseriyê bi rêya SEGBÎS’ê tev li danişînê bû
Hevşaredarê Bajarê Mezin a Amedê Selçûk Mizrakli di 19’ê tebaxê de ji peywirê hate girtin û li şûna wî qeyûm hate tayînkirin. Di 22’yê cotmehê de jî di çarçoveya tawanên îtîrafkar Hîcran Berna Ayverdî de hatibû girtin. Danişîna ewil a doza Mizrakli li 9’emîn Dadgeha Cezayên Giran a Amedê dest pê kir. Mizrakli bi îdiaya ‘Endamê rêxistinê ye’ hatibû girtin û ji 7 sal û 6 mehan heta 15 salan cezayê girtîgehê jê re tê xwestin. Beriya danişînê polîsan li derdora Dadgaha Amedê tedbîrên ewlehiyê girtin.
Hevseroka DBP’ê Salîha Aydenîz, hevserokê KCD’ê û parlamenterê HDP’ê yê Agiriyê Berdan Ozturk, parlamenterên HDP’ê yên Amedê, rêveber û hevserokên HDP’a Amedê, rêveberên CHP’a Amedê, serokê giştî yê KKP’ê Sînan Çîftyurek, rêveberên Partiya Kedê, Serokê Baroya Mêrdînê parêzer Îsmaîl Elîk, rêveberên Odeya Bijîşkan a Amedê û gelek nûnerên rêxistinên civakî yên sivîl jî di danişînê de amade bûn.
Mizrakli ji Girtîgeha T2 ya Bunyan a Kayseriyê bi rêya Dîmen û Deng (SEGBÎS) beşdarî danişînê bû. Danişîn bi tespîta nasnameyê û parastina Mizrakli dest pê kir.
Danişîn didome. AMED
