Mewkîya Dara Hênî, Pali û Mûşî de rîyê hezazî ra asinrayîr komresî rê qefilya
Rîyê viraştişê Kale, Awbendê Beyhanî û projeyanê Santralê Hîdroelektrîkî (HES) ra xeta asinrayîrê Dara Hênî, Pali û Mûşî ameyebî vurnayene. Mewkîya Oymapinarî yê guzergahê neweyî de hezaz virazîya, asinrayîr komresî rê qefilya.
Şarê herême ke semedê hezazo ke timûtim virazêno biqesewet o, vera tedbîrnêgirewtişî bihêrs o. Hemwelatijî vanê ke îhaleyê rantî dîyenê paştgêranê AKPyî û asayîşê şarî xemê înan de nîyo. Ê goreyê rantê xo têgêrenê. No zî semedê şarê herême tehluke yo. ÇEWLÎG
