Malbata sîxur a Barzanî û çeteyên wê di bin xizmeta dewleta Tirk a dagirker de ne. Malbata sîxur li ser ferman dewleta Tirk a dagirker deriyê sînor a navebera Başûr û Rojavayaê Kurdistanê girtiye. Li Başûrê Kurdistanê ji bo komkirina alîkariyê ji koçberên Rojavayê Kurdistanê re kampanya hatiye destpêkirin, lê ji ber girtina deriyê sînor ê Sêmalka tenê alîkariya darayî tê komkirin. Bangên gel û aliyên siyasî yên ji bo vekirina deriyê sînor ji bo alîkarî ji koçberên Rojavayê Kurdistanê were gihandin berdewamin.
Berpirsê berê yê Malbenda 4 ya YNK’ê yê Dihokê Elî Oremanî têkildarî rêgirîkirina şandina alîkariyê ji bo Rojavayê Kurdistanê li deriyê Sêmalka yê di navbera Rojava û Başûrê Kurdistanê de axivî.
Elî Oremarî diyar kir ku girtina deriyê Fişxabûr, ji aliyê desthilata PDK’ê ve siyasetek ne exlaqaneye û wiha got: “Divê siyasetek şaş neyê karanîn û deriyê sînor ji bo gihandina alîkariya ji Rojavayê Kurdistanê re were vekirin. Di rewşa niha de ku pêwîstiya gelê Rojava bi alîkariyên mirovî heye, niha tevgerên leşkerî û siyasî ne di berjewendiya gelê Kurd dene. Em daxwaz dikin di zûtirîn dem de deriyê Sêmalka ji aliyê PDK’ê ve ji bo gihandina alîkariya ji bo Rojavayê Kurdistanê were vekirin.”
Hêjayî gotinêye ku li gel êrişên berdewam ên dewleta Tirk a dagirker û çeteyên wê yên li ser herêmên Bakur û Rojhilatê Sûriyê û Rojavayê Kurdistanê, hikûmeta demborî ya Herêma Kurdistanê jî deriyên sînor ê Sêmalka li gihandina alîkariya ji Rojavayê Kurdistanê re girtiye.
